مالاکنڈ: صوبہ خیبر پختونخواہ کے ضلع مالاکنڈ میں گھر میں فائرنگ کا اندوہناک واقعہ پیش آیا ہے، جہاں 4 قیمتی جانوں کا ضیاع ہوا ہے۔
پولیس ذرائع کے مطابق مالاکنڈ کے علاقے سورنہ درگئی کے ایک گھر میں فائرنگ کی گئی ہے، فائرنگ کے نتیجے میں دو خواتین سمیت 4 افراد جاں بحق ہوگئے ہیں۔
پولیس نے اپنے ابتدائی بیان میں بتایا کہ ذہنی معذور شخص نے اپنے گھر میں فائرنگ کرتے ہوئے ماں، بھائی، بھابھی اور بھتیجی کو موت کے گھاٹ اتاردیا، واقعے کی اطلاع ملنے پر پولیس فوری طور پر جائے حادثے پر پہنچی اور لاشوں کو ٹی ایچ کیو اسپتال درگئی منتقل کیا جہاں ضابطے کی کارروائی جاری ہے۔
