پاکستانی ایتھلیٹس کا حوصلہ بڑھانے کے لیے نوبیل انعام یافتہ ملالہ یوسف زئی پیرس پہنچ گئیں۔
نوبیل انعام یافتہ ملالہ یوسف زئی نے فوٹو اینڈ شیئرنگ ایپ انسٹاگرام پر پاکستانی ایتھلیٹس سے ملاقات کی تصویر شیئر کی ہے، تصویر میں ملالہ کے شوہر عصر ملک بھی موجود ہیں۔
ملالہ یوسفزئی نے پاکستانی ایتھلیٹس کی حوصلہ افزائی کی، ملالہ سے ملنے والوں میں فائقہ ریاض، جہاں آرا نبی اور احمد درانی شامل ہیں۔
View this post on Instagram
واضح رہے کہ پیرس اولمپکس میں پاکستانی تیراکوں کا سفر پہلے ہی مرحلے میں اختتام پذیر ہوگیا ہے اور قومی ریکارڈ کے حامل سوئمر احمد درانی کے ساتھ ساتھ جہاں آرا نبی بھی مایوس کن پرفارمنس کے بعد ایونٹ سے باہر ہو گئیں۔
جہاں آرا نبی نے پیرس اولمپکس میں خواتین کے 200 میٹر فری اسٹائل مقابلوں میں حصہ لیا، وہ اپنی ہیٹ میں سات تیراکوں میں تیسرے نمبر پر رہیں تاہم وہ اگلے مرحلے کیلئے کوالیفائی نہ کر سکیں پاکستان کی خاتون تیراک 200 میٹر فری اسٹائل سوئمنگ میں دو منٹ دس سیکنڈ میں بمشکل فاصلہ طے کر سکیں اور 30 ایتھلیٹس کی فہرست میں 26ویں نمبر پر رہیں۔
پاکستانی تیراکوں باالخصوص جہاں آرا نبی کی کارکردگی بین الاقوامی سطح پر پاکستانی کھلاڑیوں کی مستقبل کے مقابلوں میں مسلسل بہتری اور کامیابی کی امیدوں کے ساتھ بڑھتی ہوئی موجودگی اور پرعزم کوششوں کی عکاسی کرتی ہے۔
