کولا لمپور : ملائیشیا میں دو میٹرو ٹرینوں کے درمیان تصادم ہوگیا، حادثے کے نتیجے میں دو سو سے زائد مسافر زخمی ہوگئے۔
غیرملکی خبر رساں ادارے کی رپورٹ کے مطابق دو میٹرو ٹرین کے آپس میں ٹکرانے کا حادثہ دارالحکومت کولالمپور میں پیٹرو ناس ٹوئن ٹاور کے نزدیک پیش آیا۔
حادثہ ایک ہی ٹریک پر دو ٹرینوں کی آمد و رفت کے باعث رونما ہوا، جس کے نتیجے میں 200 سے زائد مسافر زخمی ہوئے۔
ملائیشین حکام کا کہنا ہے کہ حادثے کا شکار ایک ٹرین خالی جب کہ دوسری ٹرین 213 مسافروں کو منزل تک پہنچا رہی تھی۔
رپورٹ کے مطابق ٹرین حادثے میں زخمی ہونے والے مسافروں میں سے 6 زخمیوں کی حالت تشویش ناک ہے، ملائیشین حکام نے حادثے کی وجوہات جاننے کےلیے تحقیقات شروع کردیں۔
