اسلام آباد: وزیر خارجہ شاہ محمود قریشی سے ملائیشیا کے ہائی کمشنر کی ملاقات ہوئی جس میں تجارت، سرمایہ کاری اور عوامی روابط کو وسعت دینے پر تبادلہ خیال کیا گیا۔
تفصیلات کے مطابق ترجمان دفتر خارجہ نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ وزیر خارجہ شاہ محمود قریشی سے ملائیشیا کے ہائی کمشنر کی ملاقات ہوئی۔
ملاقات میں دونوں کے درمیان تجارت، سرمایہ کاری اور عوامی روابط کو وسعت دینے پر تبادلہ خیال کیا گیا۔ ملاقات میں وزیر اعظم عمران خان کے متوقع دورہ ملائیشیا سے متعلق بھی گفتگو ہوئی۔
اس موقع پر وزیر خارجہ شاہ محمود قریشی کا کہنا تھا کہ پاکستان کے ملائیشیا سے گہرے تعلقات ہیں، پاکستان ان تعلقات میں مزید اضافے کا خواہاں ہے۔
انہوں نے کہا کہ ہماری دوستی مشترکہ عقائد، ورثے اور تاریخ پر مبنی ہے۔
The Malysian High Commissioner @MalaysiaMFA to Pakistan called on the FM at MoFA today. The Foreign Minister expressed desire to further strengthen #PakistanMalaysiabilateralrelations in economic and political spheres pic.twitter.com/W3oU29krmr
— Dr Mohammad Faisal (@ForeignOfficePk) November 15, 2018
خیال رہے کہ وزیر اعظم عمران خان 20 نومبر سے ملائیشیا کا دورہ کریں گے اور ملائیشین ہم منصب مہاتیر محمد کی دعوت پر 2 روز تک قیام کریں گے۔
ذرائع کے مطابق اپنے دورہ ملائیشیا کے دوران وزیر اعظم خان ملائیشین ہم منصب سمیت اعلیٰ حکام سے ملاقاتیں گے۔
وزیر اعظم اپنے ہم منصب مہاتیر محمد سے ملاقات میں اقتصادی تعاون کے فروغ پر تبادلہ خیال کریں گے جبکہ ملائیشیا کی ترقی کے تجربات سے استفاده پر بات چیت بھی کریں گے۔
وزیر اعظم کے ہمراہ وزیر خارجہ شاہ محمود قریشی، وزیر اطلاعات فواد چوہدری اور مشیر تجارت عبد الرزاق داؤد سمیت دیگر حکام بھی ملائیشیا جائیں گے۔
