کولالمپور: ملائیشیا کے سابق وزیر اعظم مہاتیرمحمد نے کہا ہے کہ ارکان اسمبلی کی حمایت ملی تو بطور وزیراعظم واپس آؤں گا ، سیاسی اختلافات کے بعدمہاتیرکی پارٹی حکمران اتحادسےالگ ہوگئی تھی۔
تفصیلات کے مطابق ملائیشیا کے سابق وزیر اعظم مہاتیرمحمد نے استعفی کے بعد واپسی کا عندیہ دیتے ہوئے کہا ہے کہ ارکان اسمبلی کی حمایت ملی تو بطور وزیراعظم واپس آؤں گا۔
غیرملکی میڈیا کا کہنا ہے کہ مہاتیرمحمد کے بطوروزیراعظم دوبارہ آنے کا امکان ہے۔
یاد رہے چند روز قبل سیاسی اختلافات کے بعدمہاتیرکی پارٹی حکمران اتحادسےالگ ہوگئی تھی ، جس کے بعد ملائیشیا کےوزیراعظم مہاتیرمحمد مستعفی ہوگئے تھے اور اپنا استعفیٰ بادشاہ کو بھجوا دیا تھا۔
مزید پڑھیں : ملائیشیا کے وزیراعظم مہاتیرمحمد نے عہدے سے استعفی دے دیا
غیرملکی میڈیا کے مطابق مہاتیرمحمد کی پارٹی نئی حکومت بنانے کی منصوبہ بندی کررہی ہے اور مہاتیرمحمد کا استعفیٰ اسی سلسلے کی کڑی ہے، نئی حکومت میں انور ابراہیم کوشامل نہیں کیا جائےگا۔
خیال رہے مہاتیرمحمد نے 2018 میں اپنےحریف انورابراہیم کے ساتھ مل کرحکومت بنائی تھی ، مہاتیر محمد اور انور ابراہیم میں مختلف سیاسی امور پر اختلافات رہے ہیں، جس کے بعد مہاتیرمحمد کی پارٹی کی جانب سے نئی حکومت انور ابراہیم کے بغیر بنائے جانے کی امید کی جارہی ہے۔
