نیویارک: اقوام متحدہ میں پاکستان کی مستقل مندوب ملیحہ لودھی کی سیکریٹری جنرل اقوام متحدہ اور صدر سیکیورٹی کونسل سے ملاقاتیں ہوئیں جس میں اقوام متحدہ کی توجہ کشمیر میں بھارت کی غاصبانہ کارروائیوں کی جانب دلائی گئی۔
تفصیلات کے مطابق بھارتی الزام تراشیوں اور دھمکیوں سے متعلق پاکستان نے اقوام متحدہ کو آگاہ کر دیا۔ اقوام متحدہ میں پاکستان کی مستقل مندوب ملیحہ لودھی کی سیکریٹری جنرل اقوام متحدہ انتونیو گتریس اور صدر سیکیورٹی کونسل سے ملاقات ہوئی۔
I met the UN SG Antonio Guterres today to brief him about latest developments and the situation in occupied Jammu and Kashmir and asked him to play a role in helping to deescalate tensions pic.twitter.com/9wIEZBXZds
— Maleeha Lodhi (@LodhiMaleeha) February 20, 2019
ملیحہ لودھی نے بتایا کہ ملاقاتوں میں وہی پیغام دیا جو وزیر اعظم عمران خان نے اپنے خطاب میں دیا۔
I met the Security Council President, Anatolio Ndong Mba to brief him about the situation in our region as well as Prime Minister Imran Khan’s public statement in which he offered dialogue to India but also said that Pakistan will respond if India embarks on any misadventure pic.twitter.com/rRRE0CqbL9
— Maleeha Lodhi (@LodhiMaleeha) February 20, 2019
ان کا کہنا تھا کہ بھارت مقبوضہ کشمیر میں نہتے شہریوں پر مظالم کی انتہا کر چکا ہے، کشمیری عوام بھارتی مظالم کے خلاف جوابی ردعمل دے رہے ہیں۔ مقبوضہ کشمیر میں انسانی حقوق کی بدترین پامالیاں کی جارہی ہیں۔
ملیحہ لودھی کا کہنا تھا کہ قابض افواج کی بربریت کے جواب میں رد عمل کا سلسلہ بھی جاری ہے، 14 فروری کے پلوامہ واقعے کو مقبوضہ کشمیر کی صورتحال لے تناظر میں دیکھا جائے۔
ملیحہ لودھی کے مطابق انہوں نے اقوام متحدہ کے سیکریٹری جنرل کو بھارتی دھمکیوں، خطے کی صورتحال اور پاکستانی مؤقف سے آگاہ کیا۔ پاکستان کشمیر سمیت تمام مسائل کا پرامن حل تلاش کرنا چاہتا ہے۔
انہوں نے کہا کہ تمام مسائل کے حل کے لیے بھارت سے بات چیت کے لیے تیار ہیں، بھارت خطرات پیدا کرنے پر تلا ہے۔ بھارت نے اور خطرہ پیدا کرنے کی کوشش کی تو پاکستان جواب کے لیے تیار ہے۔
ملیحہ لودھی نے مزید کہا کہ پرتشدد صورتحال کا خاتمہ پرامن طریقے سے حل تلاش کرنے میں ہے، مسئلہ کشمیر کا حل اقوام متحدہ کی قراردادوں کے مطابق تلاش کیا جائے۔ بھارت کا جارحانہ رویہ خطے کو مزید غیر مستحکم کر رہا ہے۔
