نیویارک : اقوام متحدہ میں پاکستان کی سفیر ملیحہ لودھی نے کہا ہے کہ شہریوں کوتحفظ، انسانیت سوزجرائم سے بچانے میں دہرا معیارنہ اپنایا جائے۔
تفصیلات کے مطابق اقوم متحدہ میں پاکستانی مندوب ملیحہ لودھی نے جنرل اسمبلی میں مباحثے سے خطاب کرتے ہوئے عالمی ذمہ داریوں کی ادائیگی میں دہرے معیارپرپاکستان کی جانب سے مذمت کی۔
ملیحہ لودھی نے کہا کہ کشمیری بھارت کےغیرقانونی قبضے میں زندگی گزاررہے ہیں اور فلسطین کے معاملے پربھی سلامتی کونسل خاموش تماشائی ہے۔
اقوم متحدہ میں پاکستانی مندوب نے کہا کہ سنگین جرائم کے سد باب کے لیے اقوام متحدہ یکساں معیاراپنائے۔
پاکستانی مشن اقوام متحدہ میں کشمیریوں کی آواز ہے‘ ملیحہ لودھی
خیال رہے کہ رواں سال 7 اپریل کو اقوام متحدہ میں پاکستانی سفیر ملیحہ لودھی کا کہنا تھا کہ پاکستانی مشن اقوام متحدہ میں کشمیریوں کی آواز ہے، پاکستان اقوام متحدہ میں کشمیریوں کا مقدمہ اخلاقی اور قانونی بنیاد پرلڑرہا ہے۔
پاکستانی سفیر ملیحہ لودھی کا کہنا تھا مسئلہ کشمیر پراقوام متحدہ کی قراردادوں پرعمل اور اسے کشمیریوں کی خواہشات کے مطابق حل ہونا چاہیے۔
اقوام متحدہ میں پاکستانی سفیر ملیحہ لودھی کا کہنا تھا کہ کشمیر میں بھارتی جارحیت سے عالمی امن کو خطرہ ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
