The news is by your side.

Advertisement

عمران خان ملک کی تقدیر بدلنے کے لیے اپنی تمام توانائیاں وقف کیے ہوئے ہیں،ملک کرامت علی کھوکھر

اسلام آباد: پاکستان تحریک انصاف کے رہنما ملک کرامت علی کھوکھر کا کہنا ہے کہ انشاءاللہ وہ وقت دور نہیں جب اسلامی جمہوریہ پاکستان کا شمار دنیا کے ترقی یافتہ اور خوشحال ممالک میں ہونے لگے گا۔

تفصیلات کے مطابق پاکستان تحریک انصاف کے رہنما ملک کرامت علی کھوکھرنے کہا ہے کہ عمران خان ملک وقوم کی تقدیر بدلنے اور سرزمین وطن پرمعاشی انقلاب برپا کرنے کے لیے اپنی تمام توانائیاں وقف کیے ہوئے ہیں۔

انہوں نے کہا کہ انشاءاللہ وہ وقت دور نہیں جب اسلامی جمہوریہ پاکستان کا شمار دنیا کے ترقی یافتہ اور خوشحال ممالک میں ہونے لگے گا۔

تحریک انصاف کے رہنما نے کہا کہ پاکستان کی پارلیمانی تاریخ میں کسی بھی وزیراعظم کو وائٹ ہاؤس امریکا میں وہ پروٹوکول نہیں ملا جو وزیراعظم عمران خان کو ملا ہے۔

ملک کرامت علی کھوکھرنے کہا کہ مسئلہ کشمیر عالمی سطح پر بھرپور طریقہ سے اجاگر کر نا اور صدر ٹرمپ کو ثالثی پرآمادہ کرنا وزیراعظم عمران خا ن کا کر یڈٹ ہے۔

انہوں نے کہا کہ عمران خان کے دورہ امریکا میں پاکستا ن کے خلا ف ریاستی دہشت گردی کے بھارتی بیانیہ کی شکست پاکستانی قوم کی فتح ہے۔

وعدہ کرتا ہوں کہ قوم کو کبھی مایوس نہیں‌ کروں گا: وزیراعظم

یاد رہے کہ گزشتہ روز وزیراعظم عمران خان کا کہنا تھا کہ وہ دن ضرور آئے گا جب دنیا پاکستانی پاسپورٹ کی عزت کرے گی، جب تک لٹیروں کا احتساب نہیں ہوگا ملک آگے نہیں بڑھے گا۔

یاد رہے کہ گزشتہ روز وزیراعظم عمران خان کا کہنا تھا کہ وہ دن ضرور آئے گا جب دنیا پاکستانی پاسپورٹ کی عزت کرے گی، جب تک لٹیروں کا احتساب نہیں ہوگا ملک آگے نہیں بڑھے گا۔

Comments

یہ بھی پڑھیں