اے آر وائی رپورٹنگ ٹیم : نذیر شاہ، کامل عارف، آصف خان، سنجے سادھوانی
کراچی : جیل حکام نے حکومتی حکام کو بریفنگ دیتے ہوئے بتایا ہے کہ ملیر جیل سے 150 سے زائد قیدی فرار ہوئے جن میں سے متعدد کو پکڑ لیا گیا ہے۔
ملیر جیل حکام کے مطابق جیل سے فرار لگ بھگ 60 قیدی گرفتار کرلئے گئے ہیں، فرار ہونے والے100 قیدیوں کی تلاش جاری ہے۔
حکام نے بتایا کہ ملیر جیل کے اطراف کے علاقوں میں سرچ آپریشن جاری ہے، ایس ایس یو، ایس آر ایف سمیت سکیورٹی اہلکار سرچ آپریشن کر رہے ہیں۔
ذرائع کے مطابق جیل حکام نے قیدیوں کی گنتی شروع کردی ہے، فرار ہونے والے قیدیوں پر کس نوعیت کے مقدمے تھے ابھی اس کا تعین کیا جارہا ہے۔
ڈی آئی جی ایسٹ کے مطابق ملیر جیل سے فرار ہونے والے 6 قیدیوں کو کوہی گوٹھ سے گرفتار کیا گیا ہے مزید قیدیوں کی گرفتاری کیلیے آپریشن جاری ہے۔
فرار قیدیوں کے خلاف الگ مقدمہ درج
پولیس حکام کا کہنا ہے کہ ملیر جیل سے فرار ہونے والے قیدیوں کے خلاف الگ مقدمہ درج ہوگا، مقدمہ میں جیل توڑنے اور اہلکاروں پر حملے کی دفعات شامل کی جائیں گی، فرار اور دوبارہ پکڑے جانے والے قیدیوں کا ٹرائل کیا جائے گا۔
دوسری جانب ذرائع کا کہنا ہے کہ ملیر جیل سے 200قیدی فرار ہوئے جبکہ 2 قیدیوں کی ہلاکت کی اطلاع بھی سامنے آئی ہے۔
ذرائع کے مطابق ملیرجیل سے قیدی مین گیٹ سے فرار ہوئے، ملیر جیل کی زلزلہ کے باعث ایک بیرک کی دیوار کمزور ہوگئی تھی، قیدی بیرک کی کمزور ہونے والی دیوار کو گرا کر فرار ہوئے۔
جیل حکام کے مطابق قریبی علاقوں نواحی دیہاتوں میں سرچ آپریشن جاری ہے ایس ایس یو، ایس آر ایف سمیت دیگر سکیورٹی اہلکار قیدیوں کی تلاش کر رہے ہیں۔
مزید پڑھیں : ملیر جیل سے سینکڑوں قیدی دیوار توڑ کر فرار، علاقے میں شدید فائرنگ
ذرائع کے مطابق جیل حکام نے قیدیوں کی گنتی شروع کردی ہے، کس نوعیت کے قیدی جیل سے فرار ہوئے، ابھی اس کا تعین کیا جارہا ہے، تاہم جیل کے اندر تمام قیدیوں کو قابو کرلیا گیا ہے۔
