The news is by your side.

مودی کی سخت مخالف نے مرکزی حکومت کو چیلنج کردیا

ممبئی: مغربی بنگال کی وزیراعلیٰ ممتابنرجی نے مودی حکومت کو چیلنج دے دیا ہے۔

بھارتی میڈیا رپورٹ کے مطابق مغربی بنگال میں حکمراں جماعت ترنمول کانگریس اور بی جے پی کے اعلیٰ رہنماؤ ں کے درمیان لفظی جنگ عروج پر پہنچ چکی۔

سی بی آئی ،انفورسمنٹ ڈائریکٹوریٹ کی چھاپہ مار مہم میں جیسے جیسے تیزی آرہی ہے، سیاسی رہنماؤں کی جانب سے اتنی ہی بیان بازی کی جارہی ہے۔

مغربی بنگال اسمبلی اجلاس کے دوران وزیراعلیٰ ممتابنرجی نے مودی حکومت کو کڑی تنقید کا نشانہ بنایا اور اپوزیشن جماعتوں کے خلاف تحقیقاتی ایجنسیوں کے غلط استعمال کرنے کا الزام عائد کیا۔

یہ بھی پڑھیں: بھارت میں کھلاڑیوں کو ٹوائلٹ میں کھانا دینے کی ویڈیو سامنے آگئی

انہوں نے دعویٰ کیا کہ تحقیقاتی ایجنسیاں اگر بی جے پی ارکان پارلیمان کے گھروں پر چھاپا مارے تو نوٹوں کا پہاڑ ملے گا، لیکن اس کے لئے دیانت داری سے تحقیقات کرنا ہونگی۔

وزیراعلیٰ ممتابنرجی نے مودی کو للکارتے ہوئے کہا کہ اگر آپ بدعنوانی کے خاتمے کے لئے اقتدار میں آ ئے تو اپوزیشن جماعتوں اور رہنماوں کو ہی کیوں ہدف بنارہے ہیں؟ اپوزیشن جماعتوں اور رہنماوں کو ختم کرکے آپ کو کیا فا ئدہ حاصل ہوسکتا ہے؟

Comments

یہ بھی پڑھیں