The news is by your side.

Advertisement

عام انتخابات 25 جولائی کو ہوں‌ گے، صدر ممنون حسین نے منظوری دے دی

آئندہ انتخابات میں 10 کروڑ سے زائد افراد حق رائے دہی استعمال کریں گے

اسلام آباد: آئندہ عام انتخابات 25 جولائی 2018 کو منعقد ہوں گے، صدرممنون حسین نے تاریخ کی منظوری دے دی.

تفصیلات کے مطابق وزیراعظم نےانتخابات سےمتعلق صدرممنون حسین کو سمری بھیجی تھی، جسے صدر نے منظور کر لیا ہے،عام انتخابات کے لیے 25 جولائی 2018 کی تاریخ حتمی ہوئی ہے.

یاد رہے کہ 21 مئی کو الیکشن کمیشن کی جانب سے عام انتخابات کی تاریخ مقرر کرنے کی سمری ارسال کی گئی تھی، جس میں 25 تا 27 جولائی 2018 کی تاریخیں تجویز کی گئی تھیں.

صدر مملکت ممنون حسین کی جانب سے سمری کی منظوری کے بعد الیکشن کمیشن عام انتخابات کی شیڈول کا باقاعدہ اعلان کرے گا.

واضح رہے کہ الیکشن کمیشن کی جانب سے عام انتخابات کی تیاریاں جاری ہیں. الیکشن کمیشن آف پاکستان نے عام انتخابات پر اخراجات کا ابتدائی تخمینہ لگالیا ، جس کے مطابق انتخابات میں 20ارب سے زائد لاگت آنے کا امکان ہے۔

الیکشن کمیشن نے انتخابی فہرستوں کو بھی حتمی شکل دے دی ہے، جن کے مطابق آئندہ انتخابات میں 10 کروڑ سے زائد افراد حق رائے دہی استعمال کریں گے.

یاد رہے کہ بگڑتی سیاسی صورت حال کی وجہ سے تجزیہ کار یہ اندیشے ظاہر کر رہے تھے کہ شاید انتخابات وقت پر نہ ہوں، البتہ اب صدر کی جانب سے سمری کی منظوری کے بعد آئندہ عام انتخابات کے لیے 25 جولائی 2018 کی تاریخ مقرر کی گئی ہے.


الیکشن کمیشن کا عام انتخابات میں 20ارب سے زائد کے اخراجات کا تخمینہ


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں