The news is by your side.

Advertisement

عجمان، ٹریفک حادثے میں 25 سالہ نوجوان جاں بحق

عجمان: متحدہ عرب امارات کی ریاست عجمان میں موٹرسائیکل کے حادثے میں 25 سالہ نوجوان جاں بحق ہوگیا۔

گلف نیوز کی رپورٹ کے مطابق عجمان میں تیز رفتاری کے باعث موٹرسائیکل بیریئر سے جاٹکرائی جس کے نتیجے میں 25 سالہ مقامی شہری جاں بحق ہوگیا۔

عجمان پولیس کے مطابق حادثہ شیخ زید روڈ کے قریب صبح پیش آیا، ایمبولینس فوری موقع پر پہنچیں تاہم نوجوان اسپتال پہنچنے سے قبل ہی دم توڑ چکا تھا۔

پولیس کے مطابق حادثے کے سبب نوجوان کو گہری چوٹیں آئیں جو اس کی موت کا سبب بنیں، واقعے کی مزید تحقیقات جاری ہیں۔

عجمان پولیس کے ہیڈ میجر فہد الخاجہ کا کہنا ہے کہ شہری ڈرائیونگ کے دوران اسپیڈ لمٹ کا خیال رکھیں تاکہ حادثے سے محفوظ رہا جاسکے۔

NAT-190424-AJMAN-1-(Read-Only)

مزید پڑھیں: عجمان، دوران ڈرائیونگ موبائل فون کا استعمال، کار حادثے میں ایک شخص جاں بحق

واضح رہے کہ رواں ماہ کے اوائل میں عجمان میں ڈرائیونگ کے دوران موبائل فون کے استعمال کے سبب کار خوفناک حادثے کا شکار ہوگئی جس کے نتیجے میں مصر سے تعلق رکھنے والا شخص جاں بحق ہوگیا جبکہ اس کی 35 سالہ بیوی اور دو بچے زخمی ہوگئے تھے۔

پولیس کے مطابق ڈرائیور نے سیٹ بیلٹ نہیں باندھی ہوئی تھی جو اس کی موت کی وجہ بنی جبکہ اس کی 35 سالہ بیوی اور 3 اور 4 سالہ بچوں کو طبی امداد کے لیے اسپتال منتقل کردیا گیا۔

Comments

comments

یہ بھی پڑھیں