خاتون کو جراب سے گلا گھونٹنے کی کوشش کرنے والے شخص کو گرفتار کر لیا گیا۔
امریکی ریاست ایڈاہو میں ایک 40 سالہ شخص کو اس وقت گرفتار کیا گیا جب اس نے مبینہ طور پر ایک خاتون کو جراب اور پھر ہار سے گلا گھونٹنے کی کوشش کی۔
ملزم جوآن نونیز پر گلا گھونٹنے کی کوشش کے جرم کا الزام عائد کیا گیا ہے۔
پولیس کو اتوار کی صبح گھر میں تنازع پر لڑائی کی اطلاع ملی تھی۔ عدالتی دستاویزات کے مطابق، نونیز-لونا نے ایک عورت کو اپنے بالوں کو کھینچ کر سیڑھی سے نیچے گھسیٹا اس کے بعد مبینہ طور پر وہ کمرے میں لے گیا اور دروازہ بند کر دیا۔
پولیس رپورٹس میں کہا گیا ہے کہ اس کے بعد اس نے اپنے دونوں ہاتھوں سے متاثرہ خاتون کا گلا گھونٹنے کی کوشش کی۔
نونیز لونا نے مبینہ طور پر ایک ہار پکڑا جو کمرے میں تھا اور اس سے اس کا گلا گھونٹنے کی کوشش کی۔ متاثرہ خاتون نے افسران کو بتایا کہ وہ ہوش کھو بیٹھی تھی۔
جب افسران نے خاتون سے بات کی تو انہوں نے دیکھا کہ اس کی گردن پر نشانات کے ساتھ ساتھ آنکھوں پر خون کے نشانات تھے جب کہ کان، گلے اور ماتھے پر بھی زخموں کے نشان تھے۔
پولیس کا کہنا ہے کہ نونیز-لونا نے "تقریباً 3 سے 5 سیکنڈز” تک خاتون کا گلا گھونٹنے کا اعتراف کیا ہے۔
