اسلام آباد ایئرپورٹ پرہیروئن قطراسمگل کرنےکی کوشش ناکام‘ مسافر گرفتار -
The news is by your side.

Advertisement

اسلام آباد ایئرپورٹ پرہیروئن قطراسمگل کرنےکی کوشش ناکام‘ مسافر گرفتار

اسلام آباد : اسلام آباد ایئرپورٹ پراینٹی نارکوٹکس فورس نے قطرجانے والے مسافر سے ہیروئن کے 80 کیپسول برآمد کرلیے۔

تفصیلات کے مطابق اسلام آباد ایئرپورٹ پراینٹی نارکوٹکس فورس نے قطر جانے والے ایک مسافر کے قبضے سے ہیروئن سے بھرے 80 کیپسول برآمد کرلیے۔

ایئرپورٹ ذرائع کے مطابق ملزم شاہد دوحہ روانہ ہورہا تھا جسے گرفتار کرلیا گیا ہے۔

دوسری جانب اسلام آباد ایئرپورٹ پرنائیجیرین باشندے سے ہیروئن سے بھرے کیپسول برآمد ہوئے، گرفتارنائیجیرین شہری ترکی جا رہا تھا۔

عمرہ پر جانے والے مسافر کے احرام سے ایک کلو ہیروئن برآمد

خیال رہے کہ گزشتہ ماہ لاہور کے علامہ اقبال انٹرنیشنل ائیرپورٹ پر اے این ایف نے کارروائی کرکے عمرہ پر جانے والے مسافر کے احرام سے ایک کلو ہیروئن برآمد کی تھی۔

گرفتارملزم آصف محمود فیصل آباد کا رہائشی تھا اور پی آئی اے کی ریاض جانے والی پرواز 725 سے عمرہ پر جا رہا تھا۔

کراچی : ایئرپورٹ پرمسافر سے کروڑوں روپے مالیت کی ہیروئن برآمد

واضح رہے کہ 3 جون کو کراچی ایئرپورٹ پر سیکیورٹی فورس (اے ایس ایف) نے ہیروئن کی اسمگلنگ کی کوشش کو ناکام بناتے ہوئے مسافر کے قبضے سے دو کلو سے زائد ہیروئن برآمد کی تھی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں