The news is by your side.

Advertisement

برطانیہ میں ’نفسیاتی مریض‘ نے پولیس کی دوڑیں لگوادیں

لندن: برطانوی پارلیمنٹ کے باہر  پولیس کی دوڑیں لگوانے اور افرا تفری پھیلانے والے شخص کو میٹروپولیٹن پولیس نے گرفتار کرلیا۔

بین الاقوامی میڈیا رپورٹ کے مطابق چودہ دسمبر کی دوپہر ایک شخص نے برطانوی پارلیمنٹ کے سامنے سیکیورٹی حصار توڑتے ہوئے میں قائم ویسٹ منسٹر عمارت میں داخل ہونے کی کوشش کی۔

پولیس نے زبردستی پارلیمنٹ ہاؤس میں داخل ہونے والے شخص کی کوشش کو ناکام بناتے ہوئے اُسےنفسیاتی صحت قانون کی دفعہ کے تحت گرفتار کرلیا، جس کی شناخت ظاہر نہیں کی گئی۔

مقامی میڈیا کے مطابق ملزم سرمئی رنگ کا ٹراؤزر،  نیلے رنگ کے جوگرز جبکہ ٹوپے والی جیکٹ پہنا ہوا تھا۔

پولیس کو حاصل ہونے والی سی سی ٹی وی فوٹیج کے مطابق ملزم نے پارلیمنٹ کے باہر سیکیورٹی حصار کو توڑا اور پولیس موبائل کے قریب جاکر کھڑا ہوا، جس کے بعد موقع ملتے ہی اُس نے ویسٹ منسٹر عمارت کے مرکزی دروازے کی طرف بھاگنا شروع کردیا تھا۔

میٹرو پولیٹن پولیس ترجمان کے مطابق اس واقعے کو دہشت گردی کے طور پر نہیں دیکھا جارہا کیونکہ گرفتار ہونے والے شخص کی ذہنی حالت درست نہیں ہے، جس کا طبی معائنہ بھی کروایا جائے گا۔

Comments

یہ بھی پڑھیں