The news is by your side.

Advertisement

دبئی میں بھارتی شہری نے ہم وطن کو مارڈ الا

دبئی میں بھارتی شخص نے معمولی تنازع پر اپنےہم وطن کو بدترین تشدد کا نشانہ بناکر اسےموت کےگھاٹ اتار دیا، ملزم کو گرفتار کرکےٹرائل شروع کردیا گیا ہے۔

تفصیلات کے مطابق اماراتی میڈیا کی رپورٹ میں بتایا گیا ہے کہ 31 سالہ بھارتی شہری نے اپنے ہی ہم وطن کو صرف اس بناء پر مار ڈالا کہ وہ اس کی جگہ پر سو گیا تھا۔

دبئی کورٹ میں اس کیس کی پہلی سماعت ہوئی جس میں پبلک پراسیکیوٹر نے عدالت کے روبرو ریکارڈ پیش کرتے ہوئے بتایا کہ ملزم نے اپنے ہم وطن پر لاتوں اور گھوسوں کی بارش کردی جس سے وہ موقع پرہی دم توڑ گیا۔

استغاثہ کے مطابق ملزم نشے میں دھت تھا اور مقتول کے جسم پر تشددکے نشانے بھی پائے گئے ہیں۔

پولیس کا کہنا ہے کہ ہمیں 18 اگست کو اطلاع دی گئی کہ القوض صنعتی ایریا میں ایک شخص کی لاش ملی ہے جس پر وہ اہلکاروں کے ہمراہ موقع پرپہنچے اور سیکورٹی گارڈز سے واقعے سے متعلق پوچھا۔

پولیس کا کہنا ہے کہ لاش کو تحویل میں لینے کے بعد ابتدائی تفتیش کی گئی جس میں ملزم کے واقعے میں ملوث ہونے کے ثبوت سامنے آئے۔

دوران تفتیش ملزم نے اعتراف جرم کرتے ہوئے بتایا کہ اس رات اس کا ساتھی کے ساتھ سونے کی جگہ پر تنازع ہوا ، جس پر وہ غصہ میں آگیا اور ساتھی پر تشدد کر ڈالا۔

ملزم کے مطابق جب وہ صبح اٹھا تو اس کا ساتھی بے جان پڑا تھا، وہ کوئی حرکت نہیں کررہا تھا، اسے اندازہ ہوگیا کہ تشدد کے باعث وہ مر چکاہے جس کے بعد وہ فرار ہوگیا۔

عدالت نے مذکورہ کیس کی ابتدائی سماعت پر فریقین کے دلائل سنے اور امکان ظاہر کیا جارہا ہے کہ 28 نومبر کو مقدمے کا فیصلہ سنایا جائے گا۔

Comments

comments

یہ بھی پڑھیں