بھارت میں سفاک شوہر بیوی کو قتل کرنے کے بعد اس کا کٹا ہوا سر لے کر تھانے پہنچ گیا۔
بھارتی میڈیا رپورٹس کے مطابق افسوسناک واقعہ اترپردیش کے ضلع بارہ بنکی میں پیش آیا جہاں مبینہ طور پر شوہر نے بیوی کا سر قلم کردیا اور اس کے کٹے ہوئے سر کو لے کر تھانے پہنچ گیا۔
ملزم کی شناخت انیل کنوجیا کے نام سے ہوئی ہے جسے پولیس نے گرفتار کرکے واقعے کا مقدمہ درج کرلیا ہے۔
سوشل میڈیا پر ویڈیو سامنے آئی جس میں ملزم کو بیوی کا خون میں لت پت سر لے کر تھانے جاتے دیکھا جاسکتا ہے جبکہ قریب موجود لوگ حیرانی سے اسے دیکھ رہے ہیں۔
⚠️Trigger Warning: Disturbing Visuals.
In #UttarPradesh's #Barabanki, man identified as Anil, beheaded his wife Vandana and went to the police station along with the beheaded head in #Basara village of #Fatehpur police limits. They have two kids from their 8 year-old marriage.… pic.twitter.com/iWXJUDphcF
— Hate Detector (@HateDetectors) February 16, 2024
پولیس کے مطابق فتح پور تھانے کی حدود بسارا گاؤں کے رہائشی انیل کنوجیا نے مبینہ طور پر 28 سالہ بیوی وندنا کو چاقو کے پے درپے وار کرکے قتل کیا۔
پولیس کا بتانا ہے کہ کنوجیا نے بیوی کو غیرت کے نام پر قتل کرنے کے بعد اس کا سر قلم کردیا۔
مقامی لوگوں کا کہنا ہے کہ ملزم اہلیہ کا خون میں لت پت سر اٹھائے تھانے کی طرف جارہا تھا جب پولیس اہلکاروں سے اسے گرفتار کرلیا۔
پولیس کے مطابق یومیہ اجرت پر کام کرنے والے کنوجیا کی شادی آٹھ سال قبل وندنا سے ہوئی تھی اور ان کے دو بچے ہیں، ملزم کو شبہ تھا کہ بیوی کے غیر ازدواجی تعلقات ہیں۔
ایس پی دنیش کمار سنگھ کا بتانا ہے کہ جوڑے کے درمیان اکثر جھگڑا ہوتا تھا وقوعہ کے روز بھی جھگڑے کے بعد ملزم نے طیش میں آکر بیوی کو قتل کیا۔
انہوں نے بتایا کہ مقتولہ کی لاش کو پوسٹ مارٹم کے لے اسپتال منتقل کردیا گیا ہے جبکہ ملزم کو گرفتار کرکے قتل کی دفعات کے تحت مقدمہ درج کرلیا گیا ہے۔
