The news is by your side.

Advertisement

قدرت کا معجزہ: الٹے سر کے ساتھ پیدا ہونے والا بچہ کتنا بڑا ہوگیا؟

برازیل کا ایک بچہ جو ایک نایاب بیماری کی وجہ سے عجیب الخلقت پیدا ہوا، ڈاکٹرز کی جلد مر جانے کی پیش گوئیوں کے برعکس 44 سال جی گیا۔

برازیل کا کلاڈئیو ایک نایاب بیماری کا شکار ہے جس میں اس کا سر بالکل الٹا ہو کر پشت کے ساتھ لگا ہوا ہے، اس کی پیدائش پر ڈاکٹرز کا کہنا تھا کہ یہ 24 گھنٹے سے زائد نہیں جی سکے گا، لیکن یہ بچہ اب 44 سال کا ہے۔

اس نایاب بیماری کے سبب کلاڈئیو کی کی ٹانگیں سکڑ کر پتلی ہوچکی تھیں، بازو سینے سے لگے تھے جبکہ سر بالکل الٹا ہو کر پشت کے ساتھ لگا ہوا تھا۔

یہ باہمت شخص کہتا ہے کہ اس کی زندگی بالکل نارمل ہے۔ کلاڈئیو کے مطابق کرونا وبا کے دوران اسے دگنی احتیاط کرنی پڑی ہے، وہ گزشتہ ایک سال سے قرنطینہ میں ہے۔

کلاڈئیو نے گھر میں ہی اپنی ماں سے پڑھنا اور لکھنا سیکھا ہے، اپنی بیماری کے سبب یہ سب اس کے لیے نارمل لوگوں کے برعکس مشکل تو ضرور تھا، لیکن اس نے اور اس کی ماں نے ہمت نہیں ہاری۔

اس کی عجیب ہئیت کے باوجود اسے دیکھنے، کھانے پینے یا سانس لینے میں کوئی پریشانی نہیں ہوتی اور بقول اس کے وہ بالکل نارمل زندگی جی رہا ہے۔

باہمت کلاڈئیو نے اپنی حالت کو مجبوری نہیں بنایا، اپنی زندگی میں اس نے اس کیفیت کو مکمل طور پر اپنایا ہے۔ وہ سنہ 2000 سے بطور موٹی ویشنل اسپیکر لوگوں کو اپنے جذبے کی کہانی سنا رہا ہے۔

وہ اپنی سوانح حیات بھی لکھ چکا ہے جبکہ اپنی زندگی پر ایک ڈی وی ڈی بھی لانچ کر چکا ہے۔ کلاڈئیو اپنی زندگی سے بے حد خوش ہے اور وہ مزید جینا چاہتا ہے۔

Comments

یہ بھی پڑھیں