The news is by your side.

ایک شخص نے دلہن بن کر دولہے کو 21 لاکھ روپے کا چونا لگا دیا

چنئی: بھارت کی ریاست تمل ناڈو کے ایک 39 سالہ شخص نے دلہن بن کر دُلہے کو تقریباً 21 لاکھ روپے لگا دیا۔

بھارتی میڈیا رپورٹ کے مطابق یہ واقعہ بھارت کی ریاست تمل ناڈو کے شہر چنائی میں پیش آیا، جہاں ایک شخص نے عورت بن کر 39 سالہ شخص لوٹ لیا۔

بھارتی پولیس کے مطابق انہوں نے دھوکہ دینے والے سری نواسن کو گرفتار کرلیا ہے۔

پولیس کے مطابق 39 سالہ شخص کے والد نے اپنے بیٹے کا نام شادی کی سائٹ پر درج کرایا تھا کیونکہ اس کی عمر زیادہ ہو رہی تھی۔

ملزم دتاتری سری نواسن نے سائٹ کے ذریعے خود کو عورت ظاہر کرتے ہوئے اس سے رابطہ کیا اور اپنا فون نمبر اس 39 سالہ شخص کے ساتھ شیئر کیا۔

اس شخص سے لڑکی بن کر ملنے کے چند دن بعد دتاتری نے اسے بتایا کہ اس کی والدہ اسپتال میں ہیں اور انہیں فوری مالی امداد کی ضرورت ہے۔

اس 39 سالہ شخص نے فوری طور پر رقم اپنے اکاؤنٹ سے منتقل کر دی، اتنے پیسے دینے کے بعد بھی ممکنہ دلہن مزید رقم کا مطالبہ کر رہی تھی تب ہی اس نے پولیس کو اطلاع دی۔

تحقیقات پر پولیس کو پتہ چلا کہ 39 سالہ شخص کو دھوکہ دینے والا شخص دتاتری سری نواس ایک عورت نہیں بلکہ مرد ہے۔

منگل کی شام اسے گرفتار کر کے عدالت میں پیش کیا گیا اور عدالتی تحویل میں بھیج دیا گیا۔

Comments

یہ بھی پڑھیں