The news is by your side.

Advertisement

نوجوان کے کان سے 10 لال بیگ برآمد

بیجنگ: چینی ڈاکٹرز نے نوجوان کا کامیاب علاج کر کے اُس کے کان میں رہنے والا لال بیگ کا پورا خاندان برآمد کرلیا۔

امریکی ویب سائٹ کے مطابق چین سے تعلق رکھنے والے 24 سالہ لو نامی نوجوان کو گزشتہ دنوں کان میں خارش اور مسلسل درد کا احساس ہوا جس پر اُس نے اپنے اہل خانہ کو روشنی ڈال کر دیکھنے کو کہا۔

نوجوان کے مطابق جب اُس کے بھائی نے ٹارچ کی روشنی سے اندر دیکھا کو بھیانک صورتحال تھی کیونکہ اُسے ایک زندہ لال بیگ نظر آیا جو مسلسل حرکت کررہا تھا۔

لو کا کہنا تھا کہ ’’یہ صورتحال میرے لیے بہت زیادہ بھیانک تھی البتہ میں نے ڈاکٹرز سے رجوع کرنے کا فیصلہ کیا تو انہوں نے فوری چند ٹیسٹ کرائے جس کے بعد مزید پیچیدگی سامنے آئی‘‘۔

مزید پڑھیں: زندہ لال بیگ کو منہ پر رکھ کر سیلفی بنانے کا عجیب و غریب چیلنج

رپورٹ کے مطابق نوجوان کے کان میں ایک لال بیگ نہیں بلکہ چھوٹے بڑے دس لال بیگ رہ رہے تھے جو اندر چہل قدمی بھی کررہے تھے، ڈاکٹرز نے نوجوان کو تمام تر صورتحال سے آگاہ کرتے ہوئے فوری آپریشن کی ہدایت کی۔

ڈاکٹر زونگ یاجن کے مطابق ’’مریض کے کان میں مادہ سمیت دو بڑے لال بیگ جبکہ 8 بچے موجود تھے، جنہیں چمٹی کی مدد سے باہر نکالا گیا۔ ڈاکٹرز نے چھوٹے سے آپریشن کے بعد نوجوان کو گھر جانے کی اجازت دے دی۔ اہل خانہ نے خدشہ ظاہر کیا کہ نوجوان بچا ہوا کھانا اپنے بستر پر چھوڑ دیتا تھا شاید اسی وجہ سے لال بیگ اُس کے کان میں داخل ہوئے۔

Comments

comments

یہ بھی پڑھیں