تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

راس الخیمہ: تعمیراتی سائٹ پردیوارگرگئی، سوڈانی انجینئرہلاک

راس الخیمہ: متحدہ عرب امارات میں تعمیراتی سائٹ پر دیوار گرنے سے سوڈانی انجینئر ہلاک ہوگیا، واقعے کا ابتدائی سبب تعمیراتی نقص بیان کیا جارہا ہے۔

تفصیلات کے مطابق راس الخیمہ کے علاقے الرفاء میں تعمیراتی کام جاری تھا کہ نو تعمیر شدہ دیوار 40 سالہ سوڈانی انجینئر پر آگری، موقع پر موجود افراد نے ایمرجنسی مدد فراہم کرنے والے ادارے کو کال کرکے بلایا۔

واقعے کی اطلاع ملتے ہی ایمبولینس اور پولیس پٹرول جائے حادثہ پر پہنچ گئے تاہم جب امدادی کارکنوں نے ادھیڑ عمر انجینئر کو ملبے سے نکالا تو وہ اپنی زندگی کی بازی ہار چکا تھا۔ پولیس نے میت کو پوسٹ مارٹم کے لیے فارنزک لیب روانہ کردیا اور تحقیقات شروع کیں۔

پولیس کی ابتدائی تحقیقات کے مطابق دیوار کی بنیاد اتنی مضبوط نہیں تھی جتنا کہ اسے ہونا چاہیے تھا ، یہی سبب ہے کہ تعمیر کے کچھ ہی وقت بعد وہ گر گئی۔

سانحے میں ہلاک ہونے والے انجینئر کی میت قانونی کارروائی مکمل ہونے کے بعد اہل خانہ کے حوالے کی جائے گی ۔ پولیس نے جائے وقوعہ پر موجود عینی شاہدین کو بیان ریکارڈ جمع کرانے کے لیے طلب کرلیا ہے ، گواہوں کے بیانات اور پوسٹ مارٹم کی رپورٹ کی مدد سے ہی پولیس کسی حتمی فیصلے پر پہنچ سکے گی کہ آیا کہ ایک اتفاقی سانحہ تھا یہ پھر سوچی سمجھی سازش کے تحت کیا گیا جرم ہے۔

Comments

- Advertisement -