پیرس: فرانس میں ایک مسافر نے ٹرین میں کھڑکی سے سوار ہونے کی کوشش کی جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق فرانس میں ٹرانسپورٹ کی ہڑتال کے باعث ایک مسافر نے ٹرین کی کھڑکی سے سوار ہونے کی کوشش کی جس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ مذکورہ شخص ٹرین کی کھڑکی سے سوار ہونے سے قبل اپنی جیکٹ اتار کر ٹرین کے اندر بیٹھے شخص کو دیتا ہے اور کھڑکی سے ہی ٹرین کے اندر داخل ہوجاتا ہے۔
J’ai pas les mots pic.twitter.com/spRQ9JpDbW
— Sayan (@DockyHancho) January 10, 2020
ایک خاتون نے اس منظر کو کیمرے میں اس وقت محفوظ کیا جب بچے نے والدہ سے پوچھا کہ وہ ٹرین میں داخل ہونے کے لیے اسی طرح کا راستہ استعمال کرسکتے ہیں۔
مسافر کو اس حرکت کو دیکھ کر وہاں موجود لوگ حیران رہ گئے، سوشل میڈیا پر ویڈیو شیئر کرتے ہوئے خاتون نے کیپشن لکھا کہ میں کچھ نہیں کہہ سکتی۔
سوشل میڈیا پر مسافر کی اس حرکت پر اسے تنقید کا نشانہ بنایا جارہا ہے، صارفین کا کہنا ہے کہ اسٹیشن پر موجود بوڑھے مسافروں کی تعداد کو دیکھتے ہوئے وہ کس طرح نشست کا فائدہ اٹھا سکتا ہے۔
واضح رہے کہ فرانس میں صدر ایمانویل میکرون کی متنازع پنشن اصلاحات کے دسمبر کے بعد سے ملک کے بیشتر شہروں میں ٹرانسپورٹرز کی ہڑتال جاری ہے جس کے سبب مسافروں کو شدید مشکلات کا سامنا ہے۔
