بیلجیئم سے تعلق رکھنے والے ٹک ٹاکر نے گھر والوں کو سبق سکھانے کے لیے مرنے کا ڈرامہ رچایا اور اپنے ہی جنازے میں ہیلی کاپٹر کے ذریعے انٹری دے دی۔
غیرملکی خبررساں ادارے کی رپورٹ کے مطابق بیلجین کے 45 سالہ ٹک ٹاکر ڈیوڈ نے اپنے مرنے کا ڈرامہ اس لیے رچایا کہ وہ گھر والوں کو آپس میں ملا سکے۔
ڈیوڈ نے اپنی موت کے مذاق کے ذریعے اپنے خاندان والوں کو آپس میں جڑے رہنے کی اہمیت جتانےکی کوشش کی۔
بتایا گیا ہے کہ ڈیوڈ کے موت کے ڈرامے کے بعد ان کے دوست احباب کالے ملبوسات پہنے ان کے جنازے میں شریک اپنے دکھ کا اظہار کررہے تھے کہ اسی دوران ایک ہیلی کاپٹر جنازے کے مقام پر اترتا ہے جس میں ڈیوڈ موجودہے۔
ڈیوڈ کو زندہ دیکھ کر گھر والے سب خوشی سے نہال ہوجاتے ہیں اور ڈیوڈ کے گلے لگ جاتے ہیں۔
میڈیا رپورٹس کے مطابق ڈیوڈ نے اپنے مرنے کا ڈرامہ پوری منصوبہ بندی کے ذریعے کیا اس دوران کیمرے کے ذریعے سے تمام مناظر کو فلمایا گیا دوسری جانب ڈیوڈ کی بیٹی نے اپنے سوشل میڈیا اکاؤنٹ پر باپ کے مرنے اور ان سے محبت بھرا پیغام بھی شیئر کیا تھا۔
ڈیوڈ کی ٹاک ٹاک ویڈیوز کافی مشہور ہیں اور رنگر لے فو کے نام سے ان کا ٹک ٹاک اکاؤنٹ ہے۔
