The news is by your side.

Advertisement

بہادر آدمی نے تین ڈاکوؤں سے تنہا مقابلہ کیسے کیا؟ ویڈیو دیکھیں

مانچسٹر : برطانیہ میں ایک بہادر آدمی نے اپنے گھر میں گھسنے والے3 مسلح ڈاکوؤں سے تن تنہا مقابلہ کیا اور انہیں بھاگنے پر مجبور کردیا۔

انگلینڈ کے شہر مانچسٹر میں اتوار کی رات تین نقاب پوش افراد ایک گھر میں احاطے میں داخل ہوئے، تینوں ملزمان چاقوؤں اور ایک ہتھوڑے سے لیس تھے۔

ڈاکوؤں نے گھر کے اندر داخل ہونے کیلئے اینٹ اٹھاکر کھڑکی کے شیشے پر دے ماری جس کے نتیجے میں زور دار آواز کے ساتھ کھڑکی ٹوٹی اور ملزمان گھر میں داخل ہوگئے۔

غیرملکی خبر رساں ادارے کی رپورٹ کے مطابق سی سی ٹی وی فوٹیج میں دیکھا جاسکتا ہے کہ ڈاکوؤں گروپ ہتھوڑے کے ساتھ داخل ہونے سے پہلے عقبی آنگن کی کھڑکی سے ایک بڑی اینٹ سے توڑ رہا ہے۔

ڈاکوؤں نے گھر میں داخل ہوکر باورچی خانے سے ایک چاقو اٹھایا اور واردات کی نیت سے اوپری منزل کی جانب جانے لگے جہاں بچے سو رہے تھے۔

اس سے پہلے کہ وہ اوپر کی طرف جاتے بچوں کے والد نے ملزمان کو قابو کرکے انہین دبوچ لیا اور ان کے منصوبے کو ناکام بنادیا۔

بہادر انسان نے میڈیا کو بتایا کہ میں اوپر کمرے کے باتھ روم میں تھا آواز سن کر میں نے جلدی سے باہر نکل کر دیکھا کہ ملزمان اوپر آنے کی کوشش کر رہے ہیں تو میں نے ایک لڑکے کے اوپر چھلانگ لگائی اور اس کے کندھے پر لات ماری۔

اس آدمی کا کہنا تھا کہ اس ملزم نے مجھے اپنی ٹانگوں میں جکڑ لیا تھا لیکن ایک جھٹکے سے میں نے خود کو آزاد کروالیا، اس دوران میری بیوی نے مجھے بیس بال کا بیٹ دیا جب ہمارے پڑوسی آئے اور دروازے پر دستک دی جس کے بعد ڈاکو فرار ہونے میں کامیاب ہوگئے۔

Comments

یہ بھی پڑھیں