برطانوی شہری نے انکشاف کیا ہے کہ 22 سال بعد بھی ان کا نوکیا 3310 فون چلتی ہوئی حالت میں ملا ہے۔
ایک زمانے میں نوکیا 3310 کا فون تو ہر کسی نے استعمال کیا ہے اور اس فون کی بیٹری کی تعریف بھی سبھی کرتے تھے لیکن یہ جان کر آپ حیران رہ جائیں گے کہ اس کی بیٹری 22 سال بھی ختم نہیں ہوئی اور فون چلتا ہوا ملا۔
حال ہی میں برطانوی کاؤنٹی ویلز میں ایک شخص نے 22 سال کے طویل عرصے کے بعد اپنے پرانے نوکیا 3310 کو دیکھا اور یہ دیکھ کر حیران رہ گیا کہ وہ اس وقت بھی چل رہا تھا۔
شہری کی فون کے ساتھ تصاویر بھی وائرل ہورہی ہے جس میں دیکھا گیا کہ فون کی بیٹری سالوں بعد بھی ایک پوائنٹ باقی تھی۔
واضح رہے کہ اس سے پہلے بھی ایسی ہی کہانیاں گردش کر چکی ہیں۔ 2019 میں، اسی طرح کے اکاؤنٹ نے توجہ حاصل کی جب ایلیسمیر پورٹ کے ایک رہائشی نے دعویٰ کیا تھا کہ دو دہائیوں کے بعد بھی حیران کن 70 فیصد بیٹری والا نوکیا 3310 ملا ہے۔
تاہم یہ ایک طنزیہ پوسٹ نکلی تھی لیکن فون کے پائیدار ہونے کی بات کی جائے تو نوکیا 3310 شہریوں کی اولین پسند ہوا کرتا تھا۔
