دبئی: متحدہ عرب امارات میں مقیم تارک وطن نے کسی شہری کی کھو جانے والی بھاری رقم پولیس کے حوالے کردی۔
محمد کفیل نامی غیرملکی نے اماراتی ریاست دبئی میں نیک نیتی اور ایمان داری کی بہترین مثال قائم کی اور تقریباً ساڑھے تین لاکھ روپے کہیں سے پڑے ملنے پر پولیس کے حوالے کردیے۔
تفصیلات کے مطابق شہری کو پولیس اسٹیشن کے اطراف سے 3 لاکھ 49 ہزار درہم ملے تھے۔ محمد کفیل کی دیانت داری پر پولیس افسران نے اسے تحائف پیش کیے اور تارک وطن کے کردار کی تعریف کی۔
دبئی پولیس نے مذکورہ شخص کے اخلاقی طرز عمل اور اچھے برتاؤ کے اعتراف میں خصوصی تقریبا کا انعقاد کیا اس دوران اسے تحائف اور تعریفی سند پیش کی گئی۔
پولیس کی جانب سے اس اعزاز پر غیرملکی نے افسران کا شکریہ ادا کیا۔ ایمانداری کے اس احسن مثال پر کفیل نے عام شہریوں سے بھی خوب داد سمیٹی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں