ملائیشیا سے تیر کر مکہ جانے والے شخص کو حکام نے سمندر سے نکال کر حراست میں لے لیا۔
ملائیشین میڈیا کے مطابق 28 سالہ شخص کو اس وقت حراست میں لیا گیا جب وہ سمندر میں تیر کر نامعلوم سمت کی جانب جا رہا تھا کہ لوگوں نے اسے دیکھ کر پولیس کو اطلاع دی۔
پولیس کو بتایا گیا کہ ایک شخص سمندر کے بیچ میں تیر رہا ہے جس پر فوری کارروائی کرتے ہوئے اس شخص کو نکال لیا گیاجب وجہ پوچھی گئی تو اس نے بتایا کہ وہ تیر کر مکہ جارہا تھا۔
اسی شخص کے بارے میں بتایا گیا ہے کہ 12 جولائی کو تانجنگ شہر سے تیر کر وہ اپنے دوست سے ملنے دوسرے جزیرے جارہا تھا کہ اسے روک لیا گیا تھا۔
ملائیشیا میں لاک ڈاؤن کے باعث ایک شہر سے دوسرے شہر جانے پر پابندی عائد ہے اور راستوں کی بندش کی وجہ سے مذکورہ شخص نے سمندری راستہ اختیار کیا تھا۔
