کراچی: قربانی کا جانور باندھنے پر جھگڑے کے دوران ایک نوجوان کو چھری کے وار کر کے قتل کر دیا گیا۔
تفصیلات کے مطابق کراچی کے علاقے کھوکھرا پار میں 25 سالہ معیز کو چھری کے وار کر کے قتل کر دیا گیا، اہل خانہ کا کہنا ہے کہ مقتول نے عید قربان کے لیے جانور خریدا تھا اور باڑے میں باندھا تھا جس پر جھگڑا ہوا۔
اہل خانہ کے بیان کے مطابق مقتول معیز اپنا جانور لینے گیا تو باڑے والوں نے اضافی رقم مانگی، مقتول موٹر سائیکل پر بیٹھا تو نامعلوم شخص نے چھری کے وار کر کے قتل کر دیا۔
- Advertisement -
پولیس حکام کا کہنا ہے کہ واقعہ ذاتی دشمنی کا شاخسانہ ہے، ملزم قتل کے بعد فرار ہو گیا ہے، جب کہ قتل کے واقعے سے متعلق تحقیقات کی جا رہی ہے، مقتول کی لاش بھی جناح اسپتال منتقل کر دی گئی ہے۔
