ہفتہ, جون 22, 2024
اشتہار

دوست نے اپنے روم میٹ کو اسکی سالگرہ والے دن قتل کردیا

اشتہار

حیرت انگیز

جنونی شخص نے اپنے روم میٹ کو اس کی سالگرہ والے دن قتل کردیا جبکہ اس کی لاش کی باقیات کو علاقے میں کئی جگہ بکھیر دیا۔

امریکی ریاست پنلسوانیا میں پیش آنے والے ایک خوفناک واقعے میں ایک 33 سالہ شخص مبینہ طور پر اپنے روم میٹ کو اسکی سالگرہ کے موقع پر قتل کرتے ہوئے اس کے ٹکڑے ٹکڑے کر دیے، بعد ازاں اس کی باقیات کو علاقے میں کئی مقامات پر بکھیر دیا۔

لیہہ کاؤنٹی ڈسٹرکٹ اٹارنی کے دفتر کے مطابق، ڈیوڈ ہٹنگر نامی شخص کے لاپتہ ہونے کی اطلاع 13 مئی کو پنسلوانیا سٹیٹ پولیس کو دی گئی تھی۔

- Advertisement -

پولیس نے واقعے کی تفتیش تو پتا چلا کہ مقتول کو 11 مئی کو دوستوں کے ساتھ ملنا تھا کیوں کہ اس دن اس کی سالگرہ تھی، ہٹنگر کے نہ آنے پر دوستوں کو تشویش ہوئی۔

تفتیش کاروں کو معلوم ہوا کہ ہٹنگر حال ہی میں ویسٹ فرینکلن اسٹریٹ پر جوشوا موزر نامی شخص کے گھر میں منتقل ہوا تھا۔

قاتل کی رہائش گاہ کی تلاشی کے دوران مبینہ طور پر تہہ خانے اور باتھ ٹب میں خون کے ثبوت کے ساتھ ساتھ بال اور انسانی جلد بھی ملی جبکہ وہاں سے ایک آری، باکس کٹر، خون آلود لباس بھی برآمد ہوا۔

موزر نے مبینہ طور پر تفتیش کاروں کو بتایا کہ اس نے ہٹنگر کا گلا دبایا تھا پھر بحث کے دوران اسے ہتھوڑے سے سر پر مارا۔ ہٹنگر موزر کے تہہ خانے میں رہ رہا تھا کیونکہ اس کے گھر میں حال ہی میں آگ لگ گئی تھی۔

اس شخص پر مجرمانہ قتل، لاش کے ساتھ بدسلوکی، ثبوت کے ساتھ چھیڑ چھاڑ کا الزام عائد کیا گیا ہے جبکہ اسے ضمانت بھی نہیں ملے گی۔ قاتل ماضی میں بھی کریمنل ریکارڈ کا حامل رہ چکا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں