بھارتی شہر حیدرآباد کے کوکٹ پلی ہاؤزنگ بورڈ کالونی کی لاج میں ایک شخص کو خنجر سے حملہ کرکے موت کی نیند سلا دیا گیا۔
غیر ملکی ذرائع ابلاغ کا اس حوالے سے کہنا ہے کہ (اتوار) کو سرینواس نامی شخص نے ایس ایسیڈنسی لاج میں کمرہ نمبر 303 کرائے پر کمرہ حاصل کیا تھا، اگلے روز جب کمرے سے کوئی باہر نہیں آیا اور نہ ہی اس نے کسی چیز کا آرڈر دیا، تو لاج کے ملازمین نے پولیس کو اطلاع دی۔
پولیس نے جب لاج پہنچ کر دروازہ توڑ کر دیکھا تو سرینواس کی نعش بیڈ پر خون میں لت پت پڑی ہوئی تھی۔ مقتول کو تیز دھار آلے سے قتل کیا گیا تھا۔
ذرائع کا اس حوالے سے کہنا ہے کہ کل پراوین نامی شخص مقتول سے ملاقات کے لیے آیا تھا، جس پر قتل کا شبہ کیا جا رہا ہے۔ پولیس نے مختلف زاویوں سے واقعہ کی تحقیقات کا آغاز کردیا ہے۔
دوسری جانب امریکی ریاست ہیوسٹن میں 52 سالہ پاکستانی نژاد ڈاکٹر طلعت جہاں خان کو تلوار کے پے درپے وار کرکے قتل کردیا گیا۔
ہیوسٹن میں خاتون ڈاکٹر طلعت پر ان کے اپارٹمنٹ کے سامنے حملہ کیا گیا، مقتولہ حال ہی میں سیاٹل سے ہیوسٹن منتقل ہوئی تھیں۔
رپورٹ کے مطابق پولیس نے حملہ کرنے والے 24 سالہ ملزم مائلز جوزف فریڈچ کو گرفتار کرلیا۔
