حافظ آباد : صوبہ پنجاب کے علاقے سکھیکی میں باپ نے چار سال قبل پسند کی شادی کرنے والی بیٹی، داماد اور 2 نوسواں کو قتل کردیا۔
تفصیلات کے مطابق حافظ آباد کی تحصیل سکھیکی میں باپ نے پسند کی شادی کرنے والی بیٹی، داماد اور 2 نواسوں کو تیزدھار آلے سے قتل کردیا۔
پولیس کا کہنا ہے کہ افسوس ناک واقعہ سکھیکی کے نواحی گاؤں نسوال میں پیش آیا، ملزم کو گرفتار کرکے اس کے قبضے سے آلہ قتل برآمد کرلیا گیا۔
ڈسٹرکٹ پولیس افسر کے مطابق ملزم کے خلاف انسداد دہشت گردی ایکٹ کے تحت مقدمہ درج کرلیا گیا۔
پولیس کا کہنا ہے کہ مقتولین کی لاشوں کو پوسٹ مارٹم کے لیے تحصیل ہیڈکوارٹرز اسپتال پنڈی بھٹیاں منتقل کردیا گیا۔
لاہور: پسند کی شادی کرنے والے جوڑے پر فائرنگ، شوہر جاں بحق، بیوی زخمی
یاد رہے کہ رواں ہفتے 3 ستمبرکو لاہور کے علاقے بندور ڈسگیاں پل کے قریب پسند کی شادی کرنے والے جوڑے پرفائرنگ کی گئی تھی جس کے نتیجے میں شوہر جاں بحق جبکہ بیوی زخمی ہوگئی تھی۔
عمرکوٹ: پسند کی شادی کرنے پرنوبیاہتا جوڑے کا قتل
واضح رہے کہ رواں سال 19 مئی کو عمرکوٹ کے شہر پتھورو میں دن دہاڑے پسند کی شادی کرنے والے نوبیاہتا جوڑے کو فائرنگ کرکے قتل کردیا گیا تھا۔
