کراچی : شہر قائد میں شوہر نے شک کی بنا پر بیوی کو سر میں گولیاں مار کر قتل کردیا ، پولیس نے ملزم کو حراست میں لے کر تفتیش شروع کردی ہے۔
تفصیلات کے مطابق کراچی میں گارڈن ہیڈ کوارٹر کے قریب شوہر نے غیرت کے نام پر بیوی کو قتل کرڈالا، قتل کے بعد ملزم طارق نے اسلحہ سمیت تھانے پہنچ کر گرفتاری دے دی۔
پولیس کا کہنا ہے کہ ملزم نے شک کی بنا پر مقتولہ کے سر پر دو گولیاں ماریں اور لائسنس یافتہ اسلحہ سے بیوی کو قتل کیا۔
حکام کے مطابق منگھوپیرکی رہائشی خاتون بشریٰ کی شادی 4 سال قبل طارق سے ہوئی تھی، ملزم نے بتایا کہ مقتولہ بشریٰ کا شاہد اللہ سے ناجائز تعلقات تھے۔
پولیس کا کہنا تھا کہ مقتولہ تقریباً 40 روز سے ہیڈ کوارٹر گارڈن میں رہ رہی تھی جبکہ ملزم طارق کے والد سندھ پولیس کا ریٹائرڈ ملازم ہے۔
ملزم طارق نے والد کے لائسنس یافتہ پستول سے بیوی کوفائرنگ کر کے قتل کیا تاہم نبی بخش پولیس نے بروقت کارروائی کرکےملزم کو گرفتار کرکے پستول برآمد کرلی اور تفتیش شروع کردی۔
