The news is by your side.

Advertisement

امریکا: خوف ناک اژدہوں نے گھر کو گھیر لیا (ویڈیو دیکھیں)

یوٹاہ: مغربی امریکا میں واقع ریاست یوٹاہ کے ایک علاقے میں 20 بڑے برمی اژدہوں نے ایک گھر کو گھیر لیا، جسے دیکھ کر لوگ خوف زدہ ہو گئے۔

غیر ملکی میڈیا کے مطابق امریکی ریاست یوٹاہ کے علاقے ہالیڈے میں ایک شخص نے غیر قانونی طور پر 20 بڑے برمی سانپ پال رکھے تھے، جن میں سے زیادہ تر آزاد ہو کر گھر سے باہر نکل آئے اور علاقے میں آس پاس رینگنے لگے۔

پولیس کا کہنا تھا کہ ان اژدہوں میں دس ایسے تھے جن کی لمبائی 10 فٹ تھی، لوگ گھر کے باہر اتنے بڑے سانپوں کو آزادانہ رینگتے دیکھ کر ڈر گئے۔

پولیس نے اطلاع ملنے پر 64 سالہ شہری مارٹن بون کے گھر پر چھاپا مارا تو وہاں سے دیگر غیر ملکی جانور بھی بڑی تعداد میں برآمد ہوئے، چند اژدہے اندر شیشوں میں بند بھی تھے تاہم زیادہ تر آزادانہ آس پاس رینگ رہے تھے۔

مقامی میڈیا سے بات چیت کرتے ہوئے پولیس کے ڈٹیکٹو نے کہا کہ لوگوں نے ایک اور مسئلے کی طرف توجہ دلائی کہ جانوروں کے فضلے سے آس پاس کے علاقے میں عجیب سی بو پھیلی ہوئی تھی۔

اینیمل کنٹرول کے ادارے نے گھر میں موجود تمام جانوروں کو قبضے میں لے کر جانچ کے بعد دوسری جگہ منتقل کر دیا۔ جب کہ پولیس نے غیر ملکی جانور رکھنے کے الزام میں مارٹن بون کے خلاف مقدمہ درج کر لیا۔

یاد رہے کہ رواں ماہ کے آغاز میں برائٹن کے علاقے میں ایک سٹی سینٹر میں خریداری کرنے والے اس وقت سخت خوف زدہ ہو گئے تھے جب انھوں نے ایک شخص کو 12 فٹ لمبا پائتھن سانپ ہاتھوں میں اٹھائے اپنے درمیان دیکھا۔

Comments

یہ بھی پڑھیں