بدھ, مئی 22, 2024
اشتہار

ضعیف خاتون پر سفاک نوجوان کا بہیمانہ تشدد، ویڈیو بچوں کو نہ دکھائیں

اشتہار

حیرت انگیز

وارنسی : بھارت میں ایک نوجوان نے اپنی ضعیف خالہ پر بہیمانہ تشدد کیا، سوشل میڈیا پر پوسٹ کی گئی ویڈیو نے دیکھنے والوں کو غمزدہ کردیا۔

تفصیلات کے مطابق بھارت میں انسانیت بھی شرما گئی، ریاست اتر پردیش کے وارانسی ضلع سے رپورٹ ہونے والے ایک ہولناک واقعہ نے لوگوں کے دل دہلا دیے جس میں ایک نوجوان نے مبینہ جھگڑے کے بعد اپنی ضعیف خالہ کو ڈنڈے سے بے دردی سے پیٹا۔

بھارتی میڈیا کے مطابق واقعہ سگرا پولیس اسٹیشن کی حدود میں گزشتہ ماہ پیش آیا۔ جس کی ویڈیو سوشل میڈیا پر ایک بار پھر وائرل ہوگئی۔

- Advertisement -

وائرل ویڈیو میں دیکھا جا سکتا ہے کہ مذکورہ خاتون زمین پر گری درد سے بری طرح چیخ رہی ہے لیکن نوجوان کو اپنی خالہ پر ذرا رحم نہ آیا اور اس کو مسلسل مارتا رہا۔

ویڈیو وائرل ہونے کے بعد پولیس نے فوری کارروائی کی، پولیس نے بتایا کہ دیپو کے خلاف ضعیف العمر خاتون پر تشدد کرنے کا مقدمہ درج کرکے اسے جیل بھیج دیا۔

پولیس کے مطابق ملزم کی شناخت دیپ نارائن کے نام سے ہوئی ہے، ملزم کی سگی ماں کا انتقال ہوچکا ہے، اس سے قبل بھی دیپ نارائن خواتین کو ہراساں کرنے کے دو مقدمات میں ملوث رہ چکا ہے

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں