نئی دہلی : آن لائن شاپنگ کرنے والے بھارتی شہری کو عام سا لوشن آرڈر پر بیش قیمتی ہیڈفونز موصول ہوگئے۔
غیر ملکی خبر رساں ادارے کی رپورٹ کے مطابق جب سے کرونا وائرس کی وبا نے دنیا کو اپنی لپیٹ میں لیا ہے آن لائن خریداری کے رجحان میں اضافہ ہوگیا ہے لیکن آن لائن شاپنگ کرنے والے افراد کو اکثر اس مشکل کا سامنا کرنا پڑتا ہے کہ جو چیز انہیں تصویروں میں نظر آتی ہے حقیقت میں کو اس کے برخلاف نکلتی ہے۔
لیکن بھارتی شہری کے ساتھ انوکھا واقعہ پیش آیا جس نے آن لائن خریداری کے فلیٹ فارم ایمازون سے معمولی کا لوشن آرڈر کیا لیکن جب اسے آرڈر موصول ہوا تو اس میں انتہائی مہنگے ہیڈفونز موجود تھے۔
بھارتی شہری گوتم نے ہیڈفونز کی تصویر سوشل میڈیا پر شیئر کرتے ہوئے بتایا کہ میں نے 300 روپے والا لوشن آرڈر کیا تھا لیکن مجھے 19 ہزار روپے مالیت کے ہیڈفونز موصول ہوئے ہیں۔
