کیریلا: بھارتی ریاست کیریلا میں سفاک بھائی نے اکیلے رہنے کی خواہش کو پورا کرنے کے لیے چھوٹی بہن کو قتل کر دیا۔
بھارتی میڈیا رپورٹس کے مطابق افسوسناک واقعہ بالال کے علاقے میں پیش آیا جہاں 22 سالہ بھائی نے 16 سالہ بیٹی کی جان لے لی۔
البین بنی سفاک قاتل نے بغیر کسی فیملی مداخلت کے اکیلے زندگی گزارنے کی خواہش میں پوری فیملی کی جان لینے کی کوشش کی۔
سنگدل لڑکے نے اہل خانہ کو آئس کریم میں زہر ملا کر انہیں جان سے مارنے کی دانستہ کوشش کی، زہریلی آئس کریم کھانے سے بہن اور والدہ کی طبیعت بگڑ گئی اور انہیں فوری طور پر اسپتال منتقل کیا گیا۔
16 سالہ بیٹی ڈاکٹرز کی سر توڑ کوششوں کے باوجود جانبر نہ ہو سکی اور دم توڑ گئی جب کہ والدہ کی حالت تاحال تشویشناک ہے۔
پولیس نے لڑکے کو قتل کے الزام میں گرفتار کر لیا ہے اور ابتدائی تفتیش کے دوران ملزم نے اپنے جرم کا اعتراف کر لیا ہے۔