حیدر آباد: سندھ کے شہر حیدر آباد کے علاقے ہیر آباد میں بچے کو پولیو ویکسین پلانے سے انکار پر ایک شخص کو گرفتار کر لیا گیا ہے۔
تفصیلات کے مطابق حیدرآباد کے علاقے ہیر آباد میں بچے کو پولیو ویکسین پلانے سے انکار کرنے والے شخص سمیر قریشی کو حراست میں لے لیا گیا۔
[bs-quote quote=”خصوصی ٹیم بھیج کر پولیو قطرے پلائے جائیں گے۔” style=”style-7″ align=”left” color=”#dd3333″ author_name=”ڈی ایچ او مٹیاری”][/bs-quote]
پولیس کا کہنا ہے کہ سمیر قریشی نے نہ صرف بچے کو پولیو قطرے پلانے سے انکار کیا بلکہ پولیو ٹیم سے بد تمیزی بھی کی۔
اے آر وائی رپورٹر کے مطابق سمیر قریشی ٹنڈو الہٰیار کا رہائشی ہے اور ہیر آباد میں کرائے کے مکان میں رہتا ہے۔
دریں اثنا سندھ کے ایک اور شہر ہالہ کے نواحی گاؤں کے مکینوں نے پولیو مہم کا بائیکاٹ کر دیا ہے، مکینوں کا کہنا ہے کہ انھیں پینے کا صاف پانی تک میسر نہیں ہے۔
یہ بھی پڑھیں: بڑے شہروں کے سیوریج سسٹم میں پولیو وائرس کی تصدیق
ضلع مٹیاری میں واقع ہالہ کے گاؤں کے مکینوں نے کہا کہ انھیں پینے کے صاف پانی کی فراہمی تک پولیو مہم کا بائیکاٹ رہے گا۔
دوسری طرف ڈی ایچ او مٹیاری نے میڈیا کو بتایا کہ ہالہ میں بچوں کو پولیو کے قطرے پلانے کے لیے خصوصی ٹیم بھیجی جائے گی، اور قطرے ضرور پلائے جائیں گے۔
