لاہور: ہائی کورٹ میں ایک شخص کے پیٹرول چھڑک کر خود کو آگ لگانے کے واقعے پر ڈی ایس پی سیکیورٹی ہائیکورٹ کو معطل کردیا گیا۔
تفصیلات کے مطابق لاہور ہائی کورٹ میں ایک شخص نے پیٹرول چھڑک کر خود کو آگ لگالی۔
چیف جسٹس لاہور ہائی کورٹ عالیہ نیلم نے نوٹس لیتے ہوئے پوچھا ہائیکورٹ میں پیٹرول کیسے پہنچا؟۔
آئی جی پنجاب نے ڈی ایس پی سیکیورٹی ہائیکورٹ ملک خالد کو معطل کردیا۔
نوٹیفکیشن میں کہا گیا کہ ڈی ایس پی نے ہائیکورٹ کی سیکیورٹی میں غیرذمہ داری کا مظاہرہ کیا، غیرذمہ دارانہ رویہ رکھنےپرڈی ایس پی کوسینٹرل پولیس آفس رپورٹ کرنے کا حکم دیا۔
شہری آصف جاوید کا تعلق ضلع خانیوال سے ہے، خود سوزی کرنے والا شہری میئو اسپتال میں زیرعلاج ہے۔
متاثرہ شخص کو نوکری سے فارغ کر دیا گیا تھا، وہ نوکری بحالی کے لیے عدالت آیا لیکن اس کے حق میں فیصلہ نہیں ہوا۔
