وقت کی پابندی کو اکثر خوبی کے طور پر سمجھا جاتا ہے خاص طور پر جب بات ملازمت کے انٹرویو کی ہو تو ہر کسی کی خواہش ہوتی ہے کہ وقت سے پہلے ہی پہنچ جائے۔
تاہم لنک ڈن پر ایک وائرل پوسٹ نے نئی بحث چھیڑ دی، ایک کاروباری مالک نے دعویٰ کیا ہے کہ اس نے انٹرویو کے لیے بہت جلد پہنچنے کی وجہ سے نوکری کے درخواست دہندہ کو مسترد کردیا۔
امریکا کے شہر اٹلانتا میں مقیم کلیننگ سروس کے مالک میتھیو پریوٹ نے لنک ڈن پر انکشاف کیا کہ آفس ایڈمنسٹریٹر کی جاب کے لیے ایک امیدوار وقت سے 25 منٹ پہلے پہنچ گیا جس کی وجہ سے اسے نوکری پر نہیں رکھا گیا۔
پریوٹ نے سوال کیا کہ ’آیا انٹرویو میں جلدی پہنچنا مناسب ہے یا نہیں؟‘
پریوٹ نے کہا کہ عام طور پر مشورہ دیا جاتا ہے کہ تھوڑا جلدی پہنچا جائے لیکن وقت سے پہلے آنا ناقص ٹائم مینجمنٹ کی کمی کا اشارہ دے سکتا ہے، جلد حاضر ہونا اچھی بات ہے بہت جلد آنا یہ تجویز کرسکتا ہے کہ اس کی ٹائم مینجمنٹ اچھی نہیں ہے۔
انہوں نے لکھا کہ انٹرویو کے آداب عام طور پر امیدواروں کو وقت سے پانچ سے پندرہ منٹ پہلے پہنچنے کی اجازت دیتے ہیں لیکن اس سے آگے کی کوئی بھی چیز غیر سنجیدہ ہوسکتی ہے۔
وائرل پوسٹ پر کچھ نے پریوٹ کے مؤقف کی حمایت کی تو کچھ نے امیدوار کا دفاع کیا۔
ایک صارف نے لکھا کہ ’اس شخص کو میرے پاس بھیجیں میں ملازمت پر رکھوں گا۔‘ کیا ہوا اگر وہ جلدی پہنچ گیا۔‘ تیسرے صارف کا کہنا ہے کہ ’اس نے وہ کچھ کیا جو اس نے کرنا تھا اس بات کو یقینی بنانے کے لیے کہ اسے دیر نہ ہوجائے۔‘
