جاپان کے دارالحکومت ٹوکیو میں ٹرین کے اندر چاقو حملے اور آتش زنی کے نتیجے میں متعدد افراد زخمی ہو گئے۔
جاپانی میڈیا رپورٹس کے مطابق ٹرین میں ایک چاقو بردار شخص نے مسافروں پر حملہ کیا اور آتشی مواد سے آگ لگا دی۔ مسافروں نے اپنی جان بچانے کے لیے کھڑکیوں سے چھلانگیں لگائیں اور محفوظ مقام کی جانب دوڑیں لگا دیں۔
یہ واقعہ کیولائن ٹرین میں اس وقت پیش آیا جب اسٹیشن پر ٹرین رکیُ تو حملہ کے بعد افراتفری پھیل گئی۔ اطلاع ملنے پر سیکورٹی اہلکار پہنچ گئے اور فوری کارروائی کرتے ہوئے حملہ آور کو گرفتار کر لیا۔
This viral video is showing people trying to escape the train during the attack are being blocked by the controversial barriers that were set up to prevent people from committing suicide/ falling on the tracks creating additional panic and injuries#Japan #Tokyo https://t.co/O7BjrBUFXf
— russia is a terrorist state (@ignis_fatum) October 31, 2021
ابتدائی طور پر حملے میں 45 افراد کے زخمی ہونے کی اطلاعات سامنے آئی ہیں جس میں ایک کی حالت تشویشناک ہے۔ واقعے کے بعد اسٹیشن پر ٹرینوں کی آمد و رفت معطل ہو گئی اور اہلکاروں نے اسٹیشن کو مسافروں سے خالی کروا کر سرچ آپریشن شروع کر دیا۔
واقعے سے متعلق سوشل میڈیا پر ویڈیو بھی سامنے آئی ہے جس میں مسافر کھڑکیوں سے چھلانگیں لگا کر جان بچاتے ہوئے نظر آرہے ہیں۔
