بھارت میں ٹریفک پولیس قوانین کی خلاف ورزی کرنے والوں کے خلاف جرمانے کررہی ہے جس کی وجہ سے لوگ ٹریفک قوانین پر عمل پیرا ہیں۔
ایک دلچسپ ویڈیو سوشل میڈیا پر وائرل ہورہی ہے جس میں دکھایا گیا ہے کہ سبزی فروش اپنا ٹھیلا لے جارہا ہے لیکن حیران کن طور پر اس نے چالان سے بچنے کے لیے ہیلمٹ پہن رکھا ہے۔
جب ان سے پوچھا گیا کہ اس نے ہیلمٹ کیوں پہن رکھا ہے تو اس نے جواب دیتے ہوئے کہا کہ آگے والے پولیس والے بغیر ہیلمٹ کے لوگوں کو روک رہے ہیں۔
ویڈیو میں دیکھا جاسکتا ہے کہ وہ معصومیت سے کہہ رہا ہے کہ ’ہم نے سوچا کہ ہیلمٹ لگا لیں بھیا آگے روک دیں گے آگے سب کو ہیلمٹ کی وجہ سے روک رہے ہیں آگے نہیں جانے دے رہے۔
Bhai apka knowledge to Kamal hai bhai 🤣🤣 pic.twitter.com/twjvQhNe6a
— ShaCasm (@MehdiShadan) October 9, 2022
اس پر اسے بتایا جاتا ہے کہ موٹرسائیکل سواروں کو روک رہے ہیں تمہارا تو فور وہیلر ہے بھائی اس کے بعد اس کا ٹھیلے کی ویڈیو دکھائی گئی۔‘
’وہ پھر ہیلمٹ پہننے لگتا ہے تو بتایا جاتا ہے کہ اسے نہیں لگاؤ بھائی یہ ٹھیلے میں نہیں لگانا ہے بس آپ کنارے کنارے سے جاؤ۔‘
سبزی فروش کی ویڈیو کو سوشل میدیا پر اب تک ہزاروں صارفین دیکھ چکے ہیں اس پر تبصرے بھی کررہے ہیں۔
ایک صارف نے لکھا کہ ’معصوم لوگ جرمانے کی وجہ سے پولیس سے ڈرتے ہیں۔‘ دوسرے صارف نے لکھا کہ ’معصومیت اپنے عروج پر ہے۔‘
