شوبز انڈسٹری کے معروف اداکار و میزبان ثاقب سلیم المعروف مانی کا کہنا ہے کہ بیوی سے لڑائی برداشت کرلی تو شادی چلتی ہے۔
اداکار مانی نے حال ہی میں نجی ٹی وی کے مزاحیہ پروگرام میں شرکت کی اور اس دوران نجی زندگی اور کیریئر سے متعلق کھل کر گفتگو کی۔
انہوں نے کہا کہ حرا سے ہفتے اور دو ہفتے میں ایک بڑی لڑائی ہوتی ہے، جو یہ لڑائی برداشت کرجائے تو اس کی شادی چلتی ہے۔
مانی نے یہ بھی بتایا کہ ایک بار ان سے اہلیہ حرا مانی نے کسی خاتون دوست سے متعلق پوچھ لیا کہ وہ انہیں جانتے ہیں؟
اداکار کے مطابق اہلیہ کے سوال پر ان کے پسینے چھوٹ گئے، کیوں کہ انہوں نے ان سے اس طرح سوال کیا کہ وہ پھنس گئے۔
مانی کا کہنا تھا کہ ان کی اہلیہ حرا مانی کا سینس تیز ہے، وہ چیزوں اور باتوں کو جلدی پکڑ لیتی ہیں۔
جب ان سے معروف اداکاراؤں کے نام پوچھے گئے تو انہوں نے کسی کا نام لینے سے گریز کیا اور ساتھ ہی کہا کہ ان کی اہلیہ حرا مانی کو ہر بات کا علم ہے۔
مانی نے یہ ضرور بتایا کہ انہیں یمنیٰ زیدی کی اداکاری بہت پسند ہے۔
