کراچی : نیا تعلیمی سیشن شروع ہونے میں 2 دن باقی ہے، طلبا کے لیے متعدد کتابوں کی دستیاب کے حوالے سے اہم خبر آگئی۔
تفصیلات کے مطابق اردو بازار ٹریڈرز ایسوسی ایشن سندھ کے چیئرمین ساجدیوسف نے پریس کانفرنس کرتے ہوئے کہا کہ 15اگست سےشروع ہونیوالے تعلیمی سیشن میں متعدد کتابیں دستیاب نہیں ہوں گی۔
ساجدیوسف کا کہنا تھا کہ مارکیٹ میں دسویں جماعت کی ریاضی کی کتاب دستیاب نہیں ہے، جماعت پنجم کی اردو کی کتاب اور کیمسٹری کی نہم جماعت سے لے کر بارویں جماعت تک کی کتاب موجود نہیں۔
انھوں نے بتایا کہ نہم جماعت،گیارویں اوربارویں جماعت کی فزکس کی کتاب بھی موجودنہیں جبکہ دسویں جماعت کی انگریزی کی کتاب بھی مارکیٹ میں دستیاب نہیں ہے۔
اردو بازار ٹریڈرز ایسوسی ایشن سندھ کے چیئرمین نے کہا کہ گزشتہ 6ماہ سے نویں اور دسویں جماعت کی کمپیوٹر کی کتاب بھی مارکیٹ میں دستیاب نہیں جبکہ گیارویں اور بارویں جماعت کی بائیولوجی کی کتاب بھی مارکیٹ سے غائب ہے۔
انھوں نے مطالبہ کیا کہ سازشی پبلشر ٹولے کو سندھ ٹیکسٹ بک بورڈ سے باہر کیا جائے، ایک پبلشرباربارعدالت گیاجس کی وجہ سےکتابوں کی اشاعت میں تاخیر ہوئی ہے۔
