کراچی: مشیر زراعت سندھ منظور وسان نے پیش گوئی کی ہے کہ 23 مارچ اور 27 کے درمیان بہت کچھ ہونے والا ہے۔
تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما اور مشیر زراعت سندھ منظور وسان نے بیان کہا کہ شیخ رشید کے بیان اورمن گھڑت کہانیاں سن کرحیرت ہوتی ہے ، ان کا مستقبل مجھے خراب نظرآرہا ہے۔
منظوروسان نے پیش گوئی کی کہ 23 مارچ اور 27 کے بیچ بہت کچھ ہونے والا ہے۔
گذشتہ روز پیپلزپارٹی کے رہنما منظور وسان نے وفاقی حکومت سے متعلق نئی پیشگوئی کرتے ہوئے کہا تھا کہ فروری اور مارچ حکومت کیلئے اہم ہے اور فروری اور مارچ میں وزيراعظم کے رہنے کے امکانات کم ہیں۔
چند روز قبل بھی منظور وسان نے بڑی پیش گوئی کرتے ہوئے کہا تھا ممکن ہے 23 مارچ کی پریڈ میں عمران خان کے بجائے کوئی اور شرکت کرے۔
