جمعہ, جولائی 4, 2025
اشتہار

کراچی: ماربل کے دانت لگا کر جانور بیچنے والا گرفتار

اشتہار

حیرت انگیز

کراچی : مویشی منڈی میں جانوروں کو جعلی دانت لگانے والے ملزم پکڑا گیا، انتظامیہ نے 11 گائیں قبضے میں لے لیں، ملزم کو پولیس کے حوالے کردیا گیا۔

تفصیلات کے مطابق کراچی کی مویشی منڈی میں جعل سازوں نے مویشیوں کو بھی نہ بخشا، منڈی میں جعل سازوں نے قبضہ کرلیا، قربانی کے جانوروں کو ماربل کے دانت لگا کر بیچنے لگے۔

خریدار کی شکایت پر انتظامیہ نے کریک ڈاؤن کیا، مویشی منڈی میں ماربل کے جعلی دانت والی 11 گائیں انتظامیہ نے پکڑلیں، جعلی دانت لگانے والے جعل ساز بیوپاری کو پکڑ کر پولیس کے حوالے کر دیا گیا۔

انتظامیہ نے جعلی دانت والی گائیں خریدنے والے خریدار کو پیسے بھی واپس دلا دیئے۔ علاوہ ازیں فراڈیوں نے مویشیوں کو نقلی سینگ لگانے کا بھی دھندا شروع کر رکھا ہے۔

ہتھوڑے اور چھینی کی مدد سے نقلی سینگ کو اصلی کی شکل دی جاتی ہے خریدار اکثر جعل سازوں کے چنگل میں پھنس کر نقلی دانت اور سینگ والے جانور خریدلیتے ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں