امریکا کے وزیر خارجہ مارکو روبیو یوکرین اورروس جنگ کے خاتمے کے سلسلے میں سعودی عرب پہنچ گئے۔
عرب خبر رساں ادارے کی رپورٹ کے مطابق امریکی عہدیدار کا اس حوالے سے کہنا ہے کہ مارکو روبیو سعودی عرب میں روسی حکام سے یوکرین جنگ کے خاتمے کے لیے براہِ راست مذاکرات کریں گے۔
رپورٹس کے مطابق مذاکرات میں قومی سلامتی کے مشیر مائیکل والٹز اور خصوصی ایلچی اسٹیو وٹکوف بھی ممکنہ طور پر شریک ہوں گے، جبکہ مذاکراتی عمل ابھی ابتدائی مراحل میں داخل ہوچکا ہے۔
دوسری جانب امریکا کا کہنا ہے کہ ولادیمیر پیوٹن امن کے لیے سنجیدہ ہیں یا نہیں، یہ اگلے چند دن میں طے ہو جائے گا۔
ٹرمپ نے ایک بیان میں کہا ہے کہ وہ روس اور یوکرین جنگ کا خاتمہ چاہتے ہیں، اور اس مقصد کے لیے وہ ”بہت جلد“ اپنے روسی ہم منصب سے ملاقات کریں گے۔
نیتن یاہو نے ایال ضمیر کونیا آرمی چیف مقرر کردیا
ڈونلڈ ٹرمپ نے بتایا کہ سعودی عرب میں امن مذاکرات ہونے جا رہے ہیں، اور یوکرینی صدر کو بھی امن مذاکرات میں شامل کریں گے، ہم امن قائم کرنے کے لیے سخت محنت کر رہے ہیں۔
