مردان : فائرنگ سے پی ٹی آئی کے کونسلر چار ساتھیوں سمیت جاں بحق اور آٹھ افرد زخمی ہوگئے.
تفصیلات کے مطابق مردان کے نواحی علاقے بارہوتی میں پاکستان تحریک انصاف کے تحصیل کونسلر مہمند خان اپنے ساتھیوں کے ہمراہ جلسے میں شرکت کے لیے جا رہے تھے۔
راستے میں سیاسی مخالفین کے ساتھ ان کا آمنا سامنا ہوگیا اور دونوں گروہوں نے ایک دوسرے پر فائرنگ کھول دی ، نتیجے میں مہمند خان اور چار دوسرے افراد شدید زخمی ہوگئے جو اسپتال پہنچنے سے قبل ہی دم توڑ گئے.
- Advertisement -
واقعے میں دو راہ گیروں سمیت آٹھ افراد بھی زخمی ہوئے جنہیں طبی امداد کےلیے قرییبی اسپتال منتقل کر دیا گیا۔
پولیس نے اب تک کوئی ایف آئی آر درج نہیں کی ، واقعہ کے بعد علاقے میں شدید کشیدگی پائی جاتی ہے۔
