مردان میں پولیس لائن کے قریب خواجہ سراؤں کو تلوار کے وار سے قتل کرنے والے 3 ملزمان کو گرفتار کرلیا گیا۔
ڈی پی او مردان کے مطابق خواجہ سراؤں کو قتل کرنے والے ملزم ضیاالدین، عدنان اور محمد رحمان کا تعلق کاٹلنگ سے ہے، ملزمان کے قبضے سے آلہ قتل اور موٹر سائیکل برآمد کرلی گئی۔
ڈی پی او کا کہنا ہے کہ ملزمان نے واردات کے لئے تلوار آن لائن منگوائی تھی، موقع واردات سے ملنے والے پارسل کی مدد سے ملزمان تک پہنچا گیا، گرفتار ملزمان سے قتل کے محرکات جاننے کیلئے ملزمان سے تفتیش جاری ہے۔
- Advertisement -
واضح رہے کہ 21 اکتوبر کو دونوں خواجہ سراؤں کو پولیس لائن کے قریب قتل کردیا گیا تھا، پولیس کا اس حوالے سے کہنا تھا کہ دونوں خواجہ سراؤں کو ان کےگھر میں نامعلوم افراد نے چھریوں کے وار کرکے قتل کیا اور فرار ہوگئے تھے۔
