The news is by your side.

Advertisement

پالتو جانور مارنے کا معاملہ، خونی تنازعے میں تبدیل

مردان: صوبہ کے پی میں عدم برداشت کا بدترین واقعہ رونما ہوا ہے، جہاں پالتو جانور کے تنازعے پر دو قیمتی زندگیوں کا خاتمہ ہوا ہے۔

پولیس ذرائع کے مطابق مردان کے علاقے کٹی گڑھے میں پالتو کتا مارنے کے تنازعے پر فائرنگ کا افسوسناک واقعہ پیش آیا، جس کے نتیجے میں خاتون سمیت دو افراد جاں بحق ہوگئے ہیں۔

پولیس نے جھگڑے کے متعلق بتایا کہ ایک فریق کے پالتو کتے نے دوسرے فریق کے پرندوں کا مار ڈالا تھا، جس پر مخالف طیش میں آگیا اور اس نے کتے کو مار ڈالا۔

کتے کے مالک کو جب اس واقعے کا علم ہوا تو اس نے پالتو جانور کو مارنے والے افراد کے گھر میں گھس کر اندھا دھند فائرنگ کردی، جس کے نتیجے میں خاتون سمیت دو افراد موقع پر ہی جاں بحق جبکہ چھ زخمی ہوگئے، زخمیوں میں ایک شخص کی حالت تشویشناک ہے، جسے طبی امداد کے لئے اسپتال منتقل کردیا گیا ہے۔

 

Comments

یہ بھی پڑھیں