پشاور : خیبر پختونخوا کے وزیر صحت تیمور خان جھگڑا نے کہا ہے کہ مردان کی یوسی منگا سے لیے گئے تمام 109ٹیسٹ منفی آئے ہیں، جبکہ وزیر اعلیٰ کا کہنا ہے کہ عوام کیلئے بہت جلد لاک ڈاؤن میں نرمی لائیں گے۔
تفصیلات کے مطابق مردان کی یوسی منگا میں 109 مشتبہ افراد کے کرونا وائرس کے ٹیسٹ لیے گئے تھے اس حوالے سے خیبر پختونخوا کے وزیر صحت تیمور خان جھگڑا نے سماجی رابطے کی ویب سائٹ ٹوئٹر پر اپنے پیغام میں بتایا ہے کہ یوسی منگا سے لیے گئے تمام 109افراد کے ٹیسٹ منفی آئے ہیں جو کہ خوش آئند ہے۔
More good news! Follow up random testing in Manga, Mardan shows 109 / 109 randomly selected people tested for #coronavirus – with negative results. Manga has been under lockdown for 14+ days, people have worked with the govt to make the lockdown work, and the results show! pic.twitter.com/2eRDvRZ1QO
— Taimur Khan Jhagra (@Jhagra) April 4, 2020
انہوں نے کہا کہ منگا میں گزشتہ 14دن سے مکمل لاک ڈاؤن ہے اس موقع پر عوام حکومت کے ساتھ بھرپور کررہے ہیں۔
علاوہ ازیں وزیراعلیٰ کے پی محمود خان نے کہا ہے کہ مردان کی یوسی منگا سے لیے گئے ٹیسٹوں کے نتائج کا اتنی بڑی تعداد میں منفی آنا خوش آئند ہے۔
انہوں نے کہا کہ متاثرہ علاقے میں وائرس کے خاتمے کیلئے مزید اقدامات اٹھائیں گے، منگا کے عوام کی پریشانیوں کو مد نظر رکھتے ہوئے بہت جلد لاک ڈاؤن میں نرمی لائی جائے گی۔
مزید پڑھیں: کرونا وائرس، پختونخواہ کی یو سی منگا میں مریضوں کی تعداد سب سے زیادہ
یاد رہے کہ مردان یوسی منگا میں کرونا وائرس کے مریضوں کی تعداد صوبے میں سب سے زیادہ ہے، 79 افراد میں وائرس کی تصدیق ہونے کے بعد علاقے کو مکمل لاک ڈاؤن کردیا گیا تھا۔
